الأربعاء، 2 مارس 2016

هيسركاس


                     ثيسركاس
                    
يلا واك الآن رب اغنيوش
اكحلان****

امك اكمينيغ ايمدوكال ستسركاس رزمغ اوال


 زريغ ستيط اينو يلان هزرا ايسلمن ذكامان****

وهزرا اكذ كور ذ يثران ذك اس وايقيالن حمان


اركاز ضولنتيث هيسذنان فوشعبوب سيجادجن ذي

 سغوان****وازدوذ ذي هساونت سيضارن يتازال



 ووللي سرحنت ايذ نيكعبن ذووشان**** 

وانيلتي ذاذرغال يتاكم امان سك انو سي فولان



وايذي يتشا اذغس ويدجا ايمذغان****

واكرزيز يتمشاش ذك اكسوم اذيغسان



وايفكر يتازال ذي تينيري  ايذ نيلغمان****ونتش 


 اقيمغ فوبرثال كنيغ ذك احذيرن سو فالو  نووزال



 ذي لغواث يكر ذي همزيرث نالدوبان ****انيغ

 ايوذان ماتا اكلان,انان هاسرذونت انك هتواكر افلان

  
اوليغ  انك انتدارث اوتزريغ .ذعسغ ذي هسرافث


 اتوفيغ ,اوقلغ ذي هيط نتسكنيث زريغت غر مميس

 نزارعبان ****ينيا فلاس ويغليد جار نوذرار ذيغزران


اوشيغت اوضار تازالغ تاضوغ تبديغ الدي وضغ  غر

ومكان****اروكيزغش اسرذونت اينو.ووكزغ

 اجحيح يلان ذك عديس انس فييمي ذي  مجان

                                                                    اويهغهد  فالشط نييلل اسوكيرايغ ذيسفيضارن ذا 

حفيان****هضرايا امو بخوش ادا اذيمكر واهسركن

 سك امان


 ووفيغ اييض  زنوزن ذك شامن . سغيغ فلاسن 

اخريط سك ايرذن يحلان****كريغت فتيوا

 نتسرذونت هوضي .وايكيغت فوعديس انس

 هندض امو سنان 



ذي هزيرذا هوكرايا اقضعيث نتحبا نيمتشن سكا


هركد سك اكلاف نييران  ****وهذعس ذك

 افري يتشور تيغرضميوين ذي ميغزيون ذي ولالان



   
غزيغ سوكلزيم ولاش,ربشغ سيفاسن ولاش ,نتش

 كريغ ضار ذك اجرو يركد ايذ  نوفوس ذك ضاض

امقران **** ام اوحبو نتيني ادا اذندضن ذيس ايزان


واوضغ غر واخام اوفيغ هامغارث هسنو ايباون

 سووزان ****اوسيغد اذتشغ هوضايا اغنجايث

 ذي هكشولت نوامان



 اكرغ ايرضغ اجرثيل نواري وبكسغ سوبريذ يلان

 يتقن متوسة سخيران ****وذعسغ رزيغ فلاس 

ذك ايلمسي اك الان يتناو ذيس اغروم اوفان


  
 اوفيغ سن قيمن ذي هزروث  جار  نتسطوث

 ذوغلان ****ايشت يتيك ذك سفرا ويقار

ذي هغوشيوين ذينزان



اووين هعرقاس همطوث يلان يوشا فلاس اوال 

ويخس اذييك  ايذس ايسلان****وتنميرث انون 

أي مسغاذن يحلان .ذيوذان يلان فتتوث نواوال

 نتشاويث اكومان 








ثيللي = الحرية

                            ثيللي  


اك شهلن امور انس اكذ مايلا ذك جماض يسنمروس =
واك الان اوول انس يموث  يكور يتاذر يخف انس سدوس

امناي مايكر اذيسرج الزيمل انس سوقربوص =
واركاز مايرشل اروض نتمغرا انس ذا برنوس
        
 مازيغ مايوثلاي ماكاذ يركل ويتيغبا ذي الداموس =
اعثريق ذك افراك يتمتى تيوذي سك املوس 
       
اياشاوي مميس نوار غرك اتاكذذ سك فلوس =
ايوذان سييلس هانوثلاي ولاش ستيطاوين نيغ سوافلوس 

توثلايث انغ ويلان يتوف اذيسرسب ام اوهنتوس =
امورث انغ  ام تمطوث نوركاز انس اورهلي نولوس

ايشت اومزروي ايشت نواوال سي سيوة نمصرغرثارباعث ن سوس =
ايشت ن افكان ايشت ان تادلسا ام ترحبيث ام ا حيدوس

ام وقبايلي ام اوتاركي نيغ ذا شاوي  مميس ن يوكوس =
ام اوشنوي ام امزابي نيغ ذا شلحي  ن ايث سنوس

ثيللي انغ يلان هادناوي سك اكباار اك الان يسركوس =
يرني  يدجول ام اوميغز اوريكاز برا اوريتنوس 

يتشا ايكسمان ذواذغس ذهلوسي يلان  يوفس ذيس اقنسوس=
 يدجا  ايغسان ذ وامان حمان ذيمذغان سي  غمسوس

ماغف فلاون ايلماون اوال انغ غرون ذا مسوس = 
اورهخسم ايهاروا نييكليدن اذركن سك سالاس  ذو لاموس

اشا ايمازيغن ايشت نوبريذ ,ايكت ايفاسن انون ذك ايشت اوفوس =اوال انغ اهنسيلي انتشني نعرم اورنلي اقلي اورنلي نذروس



اكراولي ايثري انغ

                   اكراولي ايثري نغ

ازول سي هسا وسك  اوول فيشاوين نواوراس*******
وازول امقران فيمازيغن تاروا نبرنس ذو مذغاس

مازيغ سك سوف نالنيل غر ايلل نالاطلاس*******
وسي تينيري ثامقرانت ألد املال المماس 
                   
  التوارك ايث مزاب الريف ذيذورار نواوراس******* 
لقبايل ذكاناريا  سوس ذالماس نالاطلاس

تمازغا هتزوخ سو مزروي ن غايا ذ ايليماس*******
واياون انس  يوبا ذماصينيصا  تاكفاريناس

اهكار يلان ايذورار نتمنغاست سالتيفيناغ توارين فلاس ******* 
تينهنان ذشيشناق اك ادجين امزوارو نينار ذيخف اوسكاس
    
يوغرطا يلان  يطف سيرتا سووزال ذو غيل اناس ******* ويخس اذيزنز روما زداث ماهاذيمث ذي ثاكرموث ذك  سالاس

ديهيا اديوسين امك يموث ذي القيروان اكسل اكليد اغيلاس*****
  هسكر ايرومين سي هسرايث نبغاي وهدجيهن ركلن امي  فلاس

طارق اوزياذ يرزم لاندلس سيسم نالاسلام  ويشاوين ذايثماس  ******* وييكا اغريم زداث وايلل زدفر ونتا ذ تارباعث انس اكاماس

 تلمسان نداداثنغ يغمراسن ماميس نزيان ذيثري ذا مغناس******
  ذا زناتي سك ايث عبد الواد ولاش تيسركاس

   وامورث اورهتتوش  ايركازن  يلان موثن فلاس *******
بن بوالعيد عميروش ذ سي الحواس

فاطمة نسومر علي لابوانت ذ   لغرور عباس *******
عبان رمضان بن مهيدي اك  اوشين ايذامن فلاس

وادناوي ايملاس  ذ ييض ذواس اورنسمكثاش *******
يلان دجين ايغريمن ام ايغايذن اورزميرن اييملاس

واكمنيغ ايركازن ايشاوين ذي سذنان   نواوراس *******
ثيللي  نتمورث اوينهد ايكراولين ولاش  ذا  رطال نيغ ذا مرواس

 وهروكزا اوشاوي سي ماسكولا  تيفيست ذ  سوق اهراس ******* باتنة ,بسكرة وورنتتوش ماكومداس


                                                                                                                                         
                                     
                                

                         ثامورث اينو


اشهال نتمورث يسرغ ستيملل همارث ذي زاون 
*****تامورث نيمازيغن ذيذورار ذيللن ايراون

اجنا انس ذا زيزا ايجديغن ذي فولكا ذيذبيرن ذيس اسافراون *****ايفولان نتفوكث هكان جار نيسكنا ام ايسفضاون

تاسليث تيثريث  ادا اتسغبان سو ملال ايذفلاون*****
تيمسونين ستيزلا نيغزران ذتزوغ نيثزرا تاجموث سي سطوا ايزيزاون

اساسونت ايخافورن زيك  سي ذامن ولاش غير توثلايث نيلساون
***** وورذنت هيدجالين ذي كوجيلن زيك ذ واسا سي مطاون

ماني هلا ثامورث  اكدجين ايكليدن ايمزويرا ذينكورا  اياياون *****سي مزكام يتشور فلاس اوول ذاللي ذ يخفاون

اوسيند يوذان اوين هيطبيبين يحلان  ذا ذبوز و ذغيل فلاون *****ودجينانغ نتمكناس جاراثنغ  ذك افراك نتمنكاح ام اكراراون

ماتا اكميوغن هسباجاوم وستيطاوين هتاقالم ايصماذن نوولاون
*****ماني اوعان ايركازن اكلان تراضن ايقشوبا ذيعلاون

ويهنيلان يوذان يلان سوامان نونزار اسيرذن اوذماون *****اتون ايماننسن ووذرن هيط ورنين سواوال تارين ايماون

سغورن النوارذي هفسوث ودجين ئسنانن ذي النفايض ذييكراون
*****ثمورث يلان تشين وسوين اسيس ايزوكارايلماون

اوكنان ادياس واس واتسغبان ستيغول ذيغذاون *****
ورعاذ ضسن غرون هاضسا نووشن غر ثيغاطثن ذيخفاون    
  
اشهال نتمورث يلان سوجنوي هبي فلاس هسا ذوولاون

 *****ثامورث نيمازيغن يلان سو كستور سيفكن فلاس ايمناين يخفاون





أوال

                           اوال



يلان يجرض  فلاك  احذير ولاش ذيرار اث يخساك امراز=
مايقد ويرني يوفا مكشا  اشيهبض سومغياز
 
نمهر ننجر ايا سلواي سيسركاس ويسمرواز =
ماتا هانرجا سغراك  يلان زداث اومنكال ام ايكرزاز


ماتا يوي اكذوذ يلان يسرك  اغريم انس سي ذوباز=
ابضان همثنيوين ذيغزران  ودجيناس همقيثين ذقيتشح نونزاز

نهني سرفن تشين ايكسمان  وذي هفسوين اتكسن اغزاز =
نتشني نسنهذم ونرني نمغر  ونتت ايلقي ايذ نوارباز

 همورث انغ هقيم  ام واغي هكس فلاسن افاذ اذ لاز =
 ونهني اخسيناس ام ايلفان اتولا ذ ليطي نيغ ذيروكاز

ازنزن تينيري ذالبترول ذوورغ  ورنين اوشين اكذ الغاز =
اكذوذ كرفنت سومرواس  واسرسيناس ايضان  انسن ايو احراز

ياسو زيك مازيغ ايفرض افراك انس اسوغراز =
سيما يلا ولاش ذا اثرار احتيت ذك ايجدي  نتا يقاز

اكذ اوال انغ فلانغ يبي  وارنين اسوقيراين ذينغ سومنخاز=
استونانغ ذي هوثلايث انغ  دجينانغ  جار وجار نتنكاز

 هشاويث سي سفرا اتغوشيوين نوشناي ذومدياز =
اوال انغ ماغف اوذيتيلي سوسلمذ نيقداشن ذك غارباز

يالات انبد فيضارن انغ وانكست فلانغ اعكاز =                
فوس ذك فوس ايشاوين  ا تاروا نتمطوث اذورقاز